میں تھا اور میرا خدا۔۔

جان ڈی راک فیلر کبھی دنیا کے امیر ترین آدمی تھے۔ دنیا کے پہلے ارب پتی۔ 25 سال کی عمر میں امریکا کی سب سے بڑی آئل ریفائنریوں میں سے ایک کو کنٹرول کیا۔31 سال کی عمر میں وہ دنیا کے سب سے بڑا تیل صاف کرنے والے بن گئے تھے۔38 سال کی عمر میں امریکا میں 90 فیصد تیل کو صاف کیا۔50 سال تک وہ ملک کے سب سے امیر آدمی تھے۔ ایک نوجوان کے طور پر ہر فیصلہ‘ رویہ اور رشتہ ان کی ذاتی طاقت اور دولت پیدا کرنے کے لیے تیار کیا گیا تھا لیکن 53 سال کی عمر میں وہ بیمار ہو گئے۔

ان کا پورا جسم درد سے لرز گیا ‘اور انکے سارے بال جھڑ گئے۔ مکمل اذیت میں دنیا کے واحد ارب پتی اپنی مرضی کے مطابق کچھ بھی خرید سکتے تھے لیکن وہ صرف سوپ اور کریکر ہضم کر سکتے تھے۔ایک ساتھی نے لکھا: وہ سو نہیں سکتے تھے‘ مسکرا نہیں سکتے تھے اور زندگی میں کوئی بھی چیز انکے لیے کوئی معنی نہیں رکھتی تھی۔ ان کے ذاتی انتہائی ماہر ڈاکٹروں نے پیش گوئی کی تھی کہ وہ ایک سال کے اندر مر جائیں گے۔ وہ سال اذیت سے آہستہ آہستہ گزر گیا۔ جب وہ موت کے قریب پہنچے تو وہ ایک صبح اس مبہم احساس کے ساتھ بیدار ہوئے کہ وہ اپنی دولت میں سے کچھ بھی اپنے ساتھ اگلے جہان میں لے جانے کے قابل نہیں ہیں۔ وہ آدمی جو کاروباری دنیا کو کنٹرول کر سکتا تھا اچانک احساس ہوا کہ وہ اپنی زندگی کے کنٹرول میں نہیں ہیں۔ان کے پاس ایک انتخاب رہ گیا تھا۔انہوں نے اپنے اٹارنی‘ اکاونٹنٹ اور مینیجرز کو بلایا اور اعلان کیا کہ وہ اپنے اثاثوں کو ہسپتالوں‘ تحقیق اور خیراتی کاموں میں منتقل کرنا چاہتے ہیں۔ جان ڈی راک فیلر نے اپنی فاونڈیشن قائم کی۔ یہ نئی سمت بالآخر پینسلین کی دریافت کا باعث بنی جو کہ ملیریا‘ تپ دق اور خناق کا علاج ہے لیکن شاید ڈی راک فیلر کی کہانی کا سب سے حیرت انگیز حصہ یہ ہے کہ جس لمحے انہوں نے اپنی کمائی ہوئی تمام چیزوں کا ایک حصہ واپس دینا شروع کیا‘ ان کے جسم کی کیمسٹری میں اس قدر نمایاں تبدیلی آتی چلی گئی کہ وہ بہتر سے بہتر ہوتے چلے گئے۔

ایک وقت تھا کہ ایسا لگتا تھا کہ وہ 53 سال کی عمر میں ہی مر جائیں گے ‘مال خیرات کرتے کرتے وہ تندرست ہوتے چلے گئے اور مکمل صحت یاب ہو کر 98 سال تک زندہ رہے۔گویا یہ خیرات نام کی چیز بھی ایک طریق علاج ہے۔ اسے بھی آزما کر دیکھ لیجیے‘ اپنی موت سے پہلے انہوں نے اپنی ڈائری میںلکھا”سپریم انرجی نے مجھے سکھایا کہ سب کچھ اسی کا ہے“اور میں اسکی خواہشات کی تعمیل کرنے کے لیے صرف ایک چینل ہوں۔ میری زندگی ایک طویل خوشگوار چھٹی رہی کام اور کھیل سے بھرپور۔میں نے پریشانی کو راستے میں چھوڑ دیا ‘ابھی میں تھا اور میرا خدا تھا‘ میرے لیے ہر دن اچھا تھا۔ ہم سب کے لیے ایک بہترین پیغام۔