آپ کسی محفل میں بیٹھے ہوں اور اچانک سے ہچکی آنے لگے تو صورتحال کچھ مشکل ہوجاتی ہے، تاہم اسے روکنے کا ایک ایسا آسان علاج جان لیں جس سے آپ کی ہچکی رُک سکتی ہے۔ماہرین کے مطابق چینی کا ایک چمچ کھالینے سے ہچکی کور روکنے میں خاطر خواہ مدد ملتی ہے، یعنی کوئی بھی ایسی چیز جو آپ کے گلے کے پچھلے حصے کو متحرک کرتی ہو۔ چینی چوں کہ عام طور پر گھروں میں ہوتی ہے اس کا استعمال کیا جاسکتا ہے اور یہ بے ضرر بھی ہے۔
پھیپھڑوں کے نیچے ایک عضلہ ہے جو سانس لینے میں انسان کی مدد کرتا ہے۔ اسی لیے سائنسی زبان میں کہہ سکتے ہیں کہ ہچکی ایک طرح کی ڈایافرام کی اینٹھن ہے۔ہچکی کے دوران کوئی چیز آپ کے گلے کے پچھلے حصے کو متحرک کرتی ہے تو یہ ہچکی روک دیتی ہے، اب جب بھی آپ کو ہچکی آئے تو تھوڑی سی چینی پھانک لیں آپ کا یہ مسئلہ دور ہوجائے گا۔
یہ عمل چوںکہ انسانی فطرت میں شامل ہے اس لیے ہچکی کو بالکل روکنا تو ممکن نہیں مگر غذا سے اس کا علاج کیا جاسکتا ہے۔ ہاں اگر آپ شوگر کے مریض ہیں تو پھر اس بات کو مدنظر رکھتے ہوئے چینی پھانکیں کہ آپ کی شوگر کنٹرول میں ہو
اس کے علاوہ آپ تھوڑی دیر کے لیے جتنا دیر برداشت کر سکیں سانس روک کر بھی ہچکی سے نجات پا سکتے ہیں
اگر یہ بھی ممکن نہ ہو تو آپ صرف ناک سے سانس لیں اور منہ سے سانس روک کر بھی ہچکی سے بچ سکتے ہیں۔
پانی کے بڑے بڑے گھونٹ بھرنے سے بھی ہچکی فوراً رفو چکر ہو جاتی ہے۔