چقندر: لاجواب خوبیوں کا حامل چقندر کا جوس کیوں پینا چاہیے۔۔؟؟

چقندر کا جوس حیرت انگیز طور پر  نہ صرف ہماری صحت بلکہ خوبصورتی یعنی جلد اور بالوں کے لیے بھی انتہائی مفید ہے،  اینٹی آکسیڈنٹس اور وٹامن سی کا خزانہ چقندر کا جوس جلد کو مختلف بیماریوں سے محفوظ رکھتا ہے اور ساتھ ہی بالوں کو گرنے سے بھی روکتا ہے۔

آئیے اس جوس کے مزید فوائد جانتے ہیں۔

چقندر کا جوس آپ کی جلد کی صحت کو بہتر بناتا ہے، چقندر کے جوس میں اینٹی آکسیڈنٹس اور وٹامن سی کی مقدار زیادہ ہوتی ہے، جو جلد میں فری ریڈیکلز کی وجہ سے ہونے والے نقصان کو کم کرنے میں مدد کر سکتی ہے، یہ جوس ناصرف جلد کو جوان رکھتا ہے بلکہ جھریوں اور سیاہ دھبوں سے بھی نجات کا سبب بنتا ہے۔

چقندر کے جوس کو اپنی روز مرہ  خوراک میں شامل کرنے سے آپ کے بالوں کے مسائل بھی حل ہوجاتے ہیں،  چقندر کا جوس آئرن، فولیٹ اور وٹامن سی جیسے غذائی اجزاء سے  بھرپور ہوتا ہے، جو بالوں کی صحت مند نشوونما کو فروغ دیتا ہے اور بالوں کو گرنے سے روک سکتا ہے۔

چقندر کے جوس میں ایسے اجزاء شامل ہوتے ہیں جو  جلد میں خون کے بہاؤ کو بڑھانے میں مدد کر سکتے ہیں اور اس کے نتیجے میں رنگت زیادہ چمکدار ہوتی ہے۔

 چقندر کے جوس میں سوزش سے بچنے والی خصوصیات ہوتی ہیں جو جسم میں سوزش کو کم کرنے میں مدد دیتی ہیں، جو جلد کی  ایکنی اور ایگزیما سمیت دیگر بیماریوں سے بچاتی ہے۔

 چقندر کا جوس ایک قدرتی detoxifier ہے جو جسم سے زہریلے مادوں کو ختم کرنے میں مدد کرتا ہے، اس سے جلد صاف اور مجموعی صحت بہتر ہوتی ہے۔

نوٹ:چقندر کے جوس میں خوبصورتی کے ممکنہ فوائد ہو سکتے ہیں، لیکن اپنے معمولات میں کوئی بھی نئے سپلیمنٹس یا غذائی تبدیلیاں کرنے سے قبل اپنے ڈاکٹر سے ضرور مشورہ کرلیں۔