جڑی بوٹیاں ہماری زندگی کا عام حصہ ہیں، کچھ ہمیں معلوم ہیں لیکن کئی اقسام کی جڑی بوٹیاں تو ایسی ہیں جن کے نہ تو ہمیں نام معلوم اور نہ ان کے فائدے جبکہ وہ ہماری صحت سے جڑے مسائل میں سب سے زیادہ کارگر ہوتی ہیں۔
رتن جوت یا مکھن بوٹی ایک کالے رنگ کی چھلکوں جیسی جڑی بوٹی ہے اسے ابٹن میں ملا کر چہرے پر بھی لگایا جاتا ہے جس سے رنگت صاف ہوتی ہے اور چہرے پر ایک قدرتی نکھار آتا ہے، اس کے علاوہ رتن جوت کے کئی زبردست فوائد ہیں جو ہماری ویب میں آج آپ کو بتائے جا رہے ہیں۔
مکھن بوٹی کے حیرت انگیز فائدے
بالوں کے لئے
اگر آپ کے بال بہت زیادہ گِر رہے ہیں آپ کے بال وقت سے پہلے سفید ہو رہے ہیں تو ایک پاؤ ناریل کے تیل میں ایک کھانے کا چمچ رتن جوت ڈال کر اچھی طرح ہلائیں اسے کچھ دیر یوں ہی چھوڑ دیں اور پھر اس تیل سے نہانے سے پہلے بالوں کا اچھی طرح مساج کریں تو یہ بالوں کو پھر سے سیاہ کر دیتی ہے بالوں کی چمک کو بحال کرتی ہے اور ساتھ ہی انہیں مضبوط بھی بناتی ہے۔
ماہواری کے لئے
جن خواتین یا لڑکیوں کو ماہواری نہیں ہوتی یا وقت پر نہیں ہوتی، مختلف پیچیدگیاں ہوتی ہیں ان کو چاہیے کہ وہ اس کا استعمال روزانہ نہار منہ کریں، یہ جسم کو طاقت اور گرمی دیتی ہے جس سے۔ بند حیض کا آسانی علاج کیا جاسکتا ہے۔
سر درد کا علاج
رتن جوت ایک ایسی جڑی بوٹی ہے جو گرم تاثیر رکھتی ہے، اگر آپ کے سر میں درد ہے تو پانی میں رتن جوت ڈال کر اسے جوش دیں لیں پھر اس پانی اسٹیم لیں یا پھر اس پانی میں کوئی کپڑا بھگو کر اس کو اپنی پیشانی پر لگائیں ایسا کرنے سے سر کا درد با آسانی دور ہو جائے گا.
جسم کے درد کا علاج
اگر اپ کی کمر، گھٹنوں، گردن، کندھوں اور جسم کے کسی بھی حصے میں درد ہو رہا ہے تو ایک چمچ رتن جوت کے ساتھ ایک ٹکڑا لہسن سرسوں کے تیل میں ڈال کر پکائیں اور اسے ٹھنڈا ہونے پر متاثرہ حصے پر استعمال کریں اس سے درد دور ہر جائے گا اور آرام ملے گا۔
سوجن کا خاتمہ کرے
اگر آپ کے ہاتھ پاؤں یا کمر میں سوجن ہو رہی ہو اور اس کی وجہ سے آپ کو چلنے پھرنے میں تکلیف ہو رہی ہے تو رتن جوت کو پانی میں ڈال کر اُبال لیں اور پھر اس پانی سے متاثرہ حصے کو ٹکور کریں، متعدد بار یہ گرم پانی ہاتھ پاؤں یا کمر جہاں بھی سوجن ہو وہاں ڈالیں اور پھر دیکھیں اس کا کمال، منٹوں میں سوجن کا خاتمہ ہو جائے گا۔
الرجی دور کرنے میں مفید
اگر آپ کے جسم پر کسی بھی قسم کی الرجی ہو رہی ہو تو رتن جوت کو ناریل کے تیل میں ملا کر اسے متاثرہ حصے پر لگائیں الرجی کا مکمل خاتمہ ہو جائے گا اور آپ کو آرام آئے گا۔